ასოციაცია ,,ტოლერანტმა” 12 მაისს აზერბაიჯანში, საათლის რაიონის სოფელ ნასიმიკენდში (ყოფილი ადიგენი) საინფორმციო ცენტრი გახსნა.

საინფორმაციო ცენტრი ევროკავშირის მიერ დაფინანსებული პროექტის ,,რეპატრირებულთა ჰუმანიტარული დახმარება ,,თვითრეპატრიაციის” პრევენცია" ფარგლებში გაიხსნა.

პროექტს სამცხე-ჯავახეთის რეგიონული ასოციაცია ,,ტოლერანტი" ახორციელებს.

საათლის რაიონში, 1944 წელს საქართველოდან დეპორტირებული მესხები ცხოვრობენ.

რეპატრიანტის სტატუსის მიღების ყველაზე მეტი 5389-მსურველი სწორედ აზერბაიჯანიდანაა, ამდენად სწორედ ამ რაიონში საინფორმაციო ცენტრის გახნას მეტი დატვირთვა აქვს.

,,ინფორმირებულობის გზით ,,თვირეპატრიაციის" პრევენცია, ესაა ცენტრის გახსნის მიზანი", - განაცხადა ცენტრის ოფიციალურ გახსნაზე ასოციაცია ,,ტოლერანტის" ხელმძღვანელმა ცირა მესხიშვილმა.

პროექტი ხორციელდება აზერბაიჯანული ორგანიზაცია - ,,ჰუმანიტარული კვლევის საზოგადოების" პარტნიორობით.

• წინა
• შემდეგი