Աշխատանքային հանդիպում Բորժոմիում

Օր առաջին ...

Մարտի 20-21-ը, Բորժոմիում տեղի ունեցավ աշխատանքային հանդիպում «Համայնքային ակտիվություն և փաստաբանություն» անվանումով, որի նպատակն էր «Աջակցություն Ախալքալաքի և Նինոծմինդայի մունիցիպալիտետների երիտասարդական համայնքային կազմակերպություններին» նախագծի շրջանակներում ընտրված և վերապատրաստված երիտասարդ առաջնորդների մասնակցությամբ նախագծի երկրորդ փուլի ընթացքում իրագործելի փաստաբանության քարոզարշավների կազմակերպում և գաղափարների բանկի ստեղծում: Հանդիպմանը մասնակցում էին 4 գյուղական համայնքների (Զակ, Փոկա, Գորելովկա,Գանձա) երիտասարդ լիդերներ և նրանց ուսուցիչները (ընդհանուր առմամբ 20 մասնակից):

Աշխատանքային հանդիպումը անցավ ակտիվ և հետաքրքիր մթնոլորտում:

Հանդիպման բացումը անցկացրեց նախագծի համակարգող Ցիրա Մեսխիշվիլին, ով ներկայացրեց օրակարգը և նախագծի հակիրճ ամփոփումը: Օրակարգը ներկայացնելուց հետո նախագծի ասիստենտ/ օգնական Մարիամ Կապանաձեն ներկայացրեց նախագծի շրջանակներում 6 ամիսների գործունեության վերաբերյալ զեկույցը: Անցած ժամանակահատվածում 6 գյուղերից (Փոկա, Գանձա, Գորելովկա, Տուրցխ, Կոչիո, Ալաթուման, Զակ) նախապես ընտրված երիտասարդները Zoom առցանց պլատֆորմի միջոցով վերապատրաստումներ և սեմինարներ անցան:

Հանդիպմանը մասնակցող համայնքային կազմակերպությունը ներկայացնող խմբերը հանդես եկան իրենց թեմաների շնորհանդեսով, խոսեցին գյուղի հիմնադրման, բնակչության քանակի և առկա ներուժի մասին: Շնորհանդեսները բավականին հետաքրքիր և զվարճալի էին: Տեղում կազմակերպվեցին գյուղերին ծանոթանալու համար նախատեսված էքսկուրսիաներ:

Ցիրա Մեսխիշվիլին և նախագծի ասիստենտ/օգնական Թամար Սամսոնիձեն ներկայացրեցին «Փաստաբանությունը համայնքային փոփոխության համար» և

« Համայնքային կազմակերպությունների հաղորդակցման ռազմավարությունները Փաստաբանության պրոցեսում» շնորհանդեսով, որը Փաստաբանության պրոցեսի հակիրճ ամփոփումն էր, որը երիտասարդները թրեյնինգների տեսքով անցել են առցանց ուսուցման ընթացքում: Շնորհանդեսից հետո նրանք խմբերում աշխատեցին «Գյուղական հիմնախնդիրների բացահայտում և խնդրի մասին փաստաբանության պլանի ստեղծում» թեմայով, որը հաջողությամբ հաղթահարեցին և ներկայացրեցին շնորհանդեսներ հետևյալ խնդիրների վերաբերյալ.

Գորելովկա՝ Խաղահրապարակի ստեղծում Գորելովկայում,

Զակ՝ 5 գյուղերի համար Զակի վարչական միավորումում մանկապարտեզի ստեղծում:

Գանձա՝ «Փարվանա» գետի էկոլոգիական պահպանում/գոյատևում;

Փոկա՝ Փոկայի հանրակրթական դպրոցում քիմիայի և ֆիզիկայի լաբորատորիաների ստեղծում:

Շնորհանդեսներն անցան հարց-պատասխանի ռեժիմով: Մասնակիցների կողմից գնահատվեց նաև նախագծի պլանը: Ավելացվեցին առաջարկություններ և դիտողություններ, որոնք խմբի անդամները հաշվի կառնեն Փաստաբանության գործընթացն իրականացնելիս:

Նախագիծն ֆինանսավորվում է «Բաց հասարակության հիմնադրամի» կողմից: