Copyright 2019 - Created by Tamar Samsonidze

10 მაისს, ასოციაცია „ტოლერანტმა" პროექტის „მოხალისეობა შეზღუდული შესაძლებლობების მქონე პირთათვის" – ფარგლებში მორიგი ღონისძიება გამართა. პროექტის მონაწილეები ნინოწმინდის მე-4 საჯარო სკოლას ეწვივნენ და ადგილობრივ მოსწავლეებს შემოწირულობის სახით ტანსაცმელი, სასწავლო ნივთები, სათამაშოები და სხვა სახის საჩუქრები გადასცეს.
ღონისძიების ფარგლებში მოხალისეებმა ნინოწმინდელ ბავშვებთან ერთად მონაწილეობა მიიღეს სხვადასხვა მხიარულ აქტივობებში...

შეზღუდული შესაძლებლობების მქონე ადამიანების დისკრიმინაცია საზოგადოების წევრების მხრიდან რეალურად ყოველდღიურად ხდება. რაზეც უამრავი ფაქტი მეტყველებს. ადამიანთა უმრავლესობა ერიდება მათთან სიახლოვეს და ურთიერთობას, რადგანაც მათი აზროვნება დამყარებულია სტერეოტიპებსა და მითებზე. მათგან უმეტესს ისინი ებრალება, რადგან ჰგონიათ, რომ უბედურები და შრომისუუნარონი არიან. მიაჩნიათ, რომ თუ ადამიანს ფიზიკური შეზღუდულობა აქვს, მას გონებრივი შეფერხებაც უსათუოდ ექნება და ყველა შემთხვევაში ქველმოქმედებას საჭიროებს. თუმცა, ქველმოქმედება ყოველთვის როდის ეხმარება მათ. საქველმოქმედო აქციები, რომლებიც შშმ პირებს უმწეოებად წარმოაჩენს, რიგ შემთხვევაში კი არ დაეხმარება მათ, არამედ პირიქით - ხელს შეუშლის ამ პირების საზოგადოებაში ინტეგრაციას. ამიტომაც, მნიშვნელოვანია საზოგადოების ინფორმირებულობის გაზრდა. .

შვიდი ათეული წელი დეპორტაციიდან და ისევ სამშობლოში დაბრუნების მოლოდინი.

სამცხე-ჯავახეთის რეგიონული ასოციაცია ,,ტოლერანტმა“ დემოკრატიული ჩართულობის ცენტრში მაჰმადიან მესხთა დეპორტაციის 69 -ე წლისთავისადმი მიძღვნილ ღონისძიება მოაწყო. .
1944 წლის 15 ნოემბერს, ღამით სამხრეთ საქართველოს ხუთ რაიონში საბჭოთა ხელისუფლებამ განახორციელა მკაცრად გასაიდუმლოებული სპეცოპერაცია: მესხეთის 220 სოფელი ერთ ღამეში დაცარიელდა. ადამიანები ყოველგვარი ახსნა-განმარტების გარეშე შეჰყარეს სატვირთო მატარებელში და შუა აზიის გზას გაუყენეს. თითქმის ერთთვიანი მგზავრობის დროს ათასობით ადამიანი დაიღუპა სიცივით, შიმშილით, უჰაერობითა და ანტისანიტარიით. გამცილებელი ჯარისკაცები მათ გვამებს მიმქროლავი მატარებლიდან პირდაპირ გზაზე ისროდნენ.

ასოციაცია ,,ტოლერანტის“ პედაგოგი სამცხე-ჯავახეთის პრობაციის ბიუროს ბაზაზე შექმნილი ქართულ ენის შემსწავლელ კურსებს ხელმძღვანელობს. .
სამცხე-ჯავახეთის პრობაციის ბიურო ფუნქციონირებას თანამედროვე ახალ ოფისს დღეს, 25 სექტემბერს სასჯელაღსრულების, პრობაციისა და იურიდიული დახმარების საკითხთა მინისტრი სოზარ სუბარი, მინისტრის პირველი მოადგილე გიგა გიორგაძე და პრობაციის ეროვნული სააგენტოს უფროსი გიორგი არსოშვილი ეწვივნენ.
ახალციხის ოფისში მოწყობილია პრობაციონერთა სარეგისტრაციო და ინდივიდუალური გასაუბრების ოთახები, ოფიცერთა, სოციალურ მუშაკთა და ფსიქოლოგის კაბინეტები; დანერგილია ვიდეოპაემნის ტექნოლოგია, რაც სასჯელაღსრულების დაწესებულებებში მყოფ მსჯავრდებულებთან ვიზუალური და ხმოვანი კონტაქტის საშუალებას იძლევა. ამასთან, ბიუროს ბაზაზე შეიქმნა ქართული ენის შემსწავლელი კურსები.
ქართული ენის შემსწავლელ კურს ასოციაცია ,,ტოლერანტის“ პედაგოგი, ნინო ზუმბაძე უძღვება.
შეგახსენებთ, რომ ასოციაცია ,,ტოლერანტსა“ და სამცხე-ჯავახეთის პრობაციის ბიურო მემორანდუმი აქვთ გაფორმებული ევროკავშირის მიერ დაფნასებული პროექტის ,,ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“ ფარგლებში

18 ოქტომბერს ახალციხემ, რაბათის ციხეზე ასოციაცია ,,ტოლერანტის“ მიერ ორგანიზებულ გამოფენას უმასპინძლა.
ნახატები, ნაქსოვები, თექა, ავეჯი, მძივებით შესრულებული ნაკეთობები - ეს მოკლე ჩამონათვალია იმ ნამუშევრების, რომელიც გამოფენაზე სახელწოდებით ,,გისოსებს გარეთ“ იყო წარმოდგენილი.

ყოფილი პატიმრების გაზრდილი მოტივაცია საზოგადოებაში საკუთარი უნარების აქტიური თვითრეალიზაციისათვის - სლოგანი, რომელის ასოციაცია ,,ტოლერანტის“ სოციალური მუშაკების მიერ შესანიშნავად განხორციელდა.
სწორედ სოციალური მუშაკებმა მიაკვლიეს ყოფილ პატიმრებში სხვადასხვა შემოქმედებითი ნიჭით დაჯილდოებული ადამიანებს.

პროექტი ,,ყოფილი პატიმრების საზოგადოებაში ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში” უკვე ათი თვეა რაც მიმდინარეობს.
სამცხე-ჯავახეთის რეგიონში მსგავსი პროექტის განხორციელება პირველია და შეიძლება ითქვას პილოტური. ამის გათვალისწინებით საქმიანობებიც მრავალმხრივია და ხელს უწყობს რეგიონში ყოფილი პატიმრების საზოგადოებაში სოციალურ ინტეგრაცია რეაბილიტაციას, მათი უფლებების დაცვას.

18-19 მაისს ასოციციაცია ,,ტოლერანტის“ ოფისში ევროკავშირის მიერ დაფინანსებული პროექტის ,,ყოფილი პატიმრების საზოგადოებაში ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“ ფარგლებში ტრენინგი ჩატარდა - ,,სოციალური მუშაობის არსი და დანიშნულება: მიმოხილვა“ .
ტრენინგი საქართველოს სოციალურ მუშაკთა ასოციაციის დამფუძნებელი, გამგეობის წევრი, ნინო შატბერაშვილი ჩაატარა.
ტრენინგში მონაწილეობას პროექტის მართვის ჯგუფი იღებდა. პროექტი იანვარში დაიწყო და 18 თვე გაგრძელდება.

მუსლიმი მესხების თემა - მათი ყოფა, ,,თვითრეპატრიაცია“ წინაპრების სამშობლოში, გაურკვევლობა და საქართველოს მიერ აღებული ვალდებულებები. სირაქლემის პოზა და ღიად საუბრის სურვილი. საეთაშორისო ფესტივალი, რომელიც სამცხე-ჯავახეთის რეგიონული ასოციაცია ,,ტოლერანტის“ მიერ იყო ორგანიზებული ამ კითხვებისა და ფაქტების ანალიზს ეხებოდა.
17 მაისს, თბილისში, საერთაშორისო სამეცნიერეო თემატური კონფერენცია - ,,დეპორტირებული მესხები წარსული და დღევანდელობა" ჩატარდა.
კონფერენციას როგორც საქართველოდან, ასევე რუსეთიდან, აზერბაიჯანიდან მოწვეული ექსპერტები, ისტორიკოსები, პროფესორები ესწრებოდნენ.

 

 

 

 

 

 

 

 

 

17 მაისს, სამცხე-ჯავახეთის რეგიონულმა ასოციაცია ,,ტოლერანტმა" მოაწყო საერთაშორისო სამეცნიერო თემატური კონფერენცია - ,,დეპორტირებული მესხები - წარსული და დღევანდელობა".

f t g