Copyright 2019 - Created by Tamar Samsonidze

მუსლიმი მესხების თემა - მათი ყოფა, ,,თვითრეპატრიაცია“ წინაპრების სამშობლოში, გაურკვევლობა და საქართველოს მიერ აღებული ვალდებულებები. სირაქლემის პოზა და ღიად საუბრის სურვილი. საეთაშორისო ფესტივალი, რომელიც სამცხე-ჯავახეთის რეგიონული ასოციაცია ,,ტოლერანტის“ მიერ იყო ორგანიზებული ამ კითხვებისა და ფაქტების ანალიზს ეხებოდა.
17 მაისს, თბილისში, საერთაშორისო სამეცნიერეო თემატური კონფერენცია - ,,დეპორტირებული მესხები წარსული და დღევანდელობა" ჩატარდა.
კონფერენციას როგორც საქართველოდან, ასევე რუსეთიდან, აზერბაიჯანიდან მოწვეული ექსპერტები, ისტორიკოსები, პროფესორები ესწრებოდნენ.

 

 

 

 

 

 

 

 

 

17 მაისს, სამცხე-ჯავახეთის რეგიონულმა ასოციაცია ,,ტოლერანტმა" მოაწყო საერთაშორისო სამეცნიერო თემატური კონფერენცია - ,,დეპორტირებული მესხები - წარსული და დღევანდელობა".

დღეს, 22 აპრილს ახალციხეში ასოციაცია ,,ტოლერანტის“ ორგანიზებით ფლეშმობი მოეწყო, რომელშიც ათეულობით ბავშვმა მიიღო მონაწილეობა.
. ფლეშმობის მიზანი ყოფილი პატიმრებისა და პრობაციონერების საზოგადოებაში სრულფასოვნად ინტეგრირების მხარდაჭერა იყო.

ფლეშმობი მიმდინარე პროექტის „სამცხე-ჯავახეთის რეგიონის ყოფილის პატიმრებისა და პრობაციონერების ინეგრაციისა და რეაბილიტაციისთვის“ ფარგლებში გაიმართა.

პროექტს ევროკავშირი აფინასებს და დღეს ,,ტოლერანტის“ აქციას სწორედ ევროკავშირის მობილური საინფრომაციო ცენტრიც შეუერთდა.

ასოციაცია „ტოლერანტის“ მიერ განხორციელებული პროექტის „ყოფილი პატიმრების რეაბილიტაცია სამცხე-ჯავახეთის რეგიონში“ ფარგლებში დაგეგმილი ფსიქოლოგიური კონსულტაციები ახალციხის შემდეგ ბორჯომში მიმდინარეობს.
ფსიქოლოგი, სიმონ მამულაშვილი ამ ეტაპზე ინდივიდუალურ ფსიქოლოგიურ კონსულტაციას ცხრა ყოფილ პატიმარს გაუწევს.
პროექტს „ყოფილი პატიმრების რეაბილიტაცია სამცხე-ჯავახეთის რეგიონში“ ევროკავშირი აფინასებს.

კომენატრები და აქტივობა სოციალურ ქსელებში საქართველოს საგარეო საქმეთა მინისტრის მაია ფანჯიკიძის განცხადებას მოჰყვა, რომელიც მან თურქ კოლეგა აჰმედ დავუთოღლუსთან შეხვედრის დასრულებისას განაცხადა.
მინისტრის თქმით, შედგა რამდენიმე ვიზიტი და მუსლიმი მესხები საქართველოში ჩამოვიდნენ, რათა სამომავლო საცხოვრებელ პირობებს ადგილზე გაცნობოდნენ. საქართველოს ევროსაბჭოს წინაშე მუსლიმი მესხების რეპატრიაციის ვალდებულება აქვს აღებული.

,,ვაპირებთ ამ ვალდებულების შესრულებას“, - განაცხადა მაია ფანჯიკიძემ.
წინაპრების სამშობლოში დასაბრუნებლად საჭირო რეპატრიანტის სტატუსის მისაღებად დოკუმენტაცია 2007 წლიდან 2010 წლის პირველ იანვრამდე 5 864-მა მუსლიმმა მესხმა შეავსო. 864 პირს რეპატრიანტის სტატუსი უკვე მინიჭებული აქვს.

ასოციაცია „ტოლერანტმა“ დემოკრატიული ჩართულობის ცენტრში პროექტის, „პირობითი მსჯავრდებული (პრობაციონერები) ახალგაზრდების რესოციალიზაციის ხელშეწყობა სამცხე-ჯავახეთის რეგიონში“ ფარგლებში, დისკუსია გამართა. დისკუსიის თემა იყო - „ამნისტია“ და მას იურიდიული ფაკულტეტის სტუდენტები, ახალციხის სასწავლო უნივერსიტეტის პროფესორ-მასწავლებლები და საჯარო სკოლების უფროსკლასელები ესწრებოდნენ...

„2012 წლის 28 დეკემბერს საქართველოს პარლამენტმა მიიღო კანონი ამნისტიის შესახებ, რამაც თავიდანვე გამოიწვია საზოგადოებაში აზრთა სხვადასხვაობა. განსაკუთრებით 139 მუხლმა, რომელიც არასრულწლოვნებზე სექსუალურ ძალადობას გულისხმობს. დღევანდელი დისკუსიის მიზანია გავარკვიოთ, საზოგადოების აზრი კონკრეტული ამინისტირებული მუხლების შესახებ“,- თქვა პროექტის იურისტმა, დავით თელიაშვილმა.

ორდღიანი ფსიქოლოგიური კონსულტაციები, რომელიც ასოციაცია „ტოლერანტის“ მიერ განხორციელებული პროექტის „ყოფილი პატიმრების რეაბილიტაცია სამცხე-ჯავახეთის რეგიონში“, ფარგლებში ხორციელდება და ევროკავშირი აფინასებს, ექვსმა ყოფილმა პატიმარმა გაიარა. კონსულტაციებს ფსიქოლოგი, სიმონ მამულაშვილი უძღვებოდა. .
- ბატონო სიმონ, ძირითადად რა სახის პრობლემები გამოიკვეთა, რა ფსიქოლოგიურ დარღვევებს აქვს ადგილი?

ყველა მათგანს სხვადასხვა ინტენსივობით ფსიქოლოგიური პრობლემები აქვს, ზოგს მწვავედ გამოხატული, ზოგსაც ნაკლებად, რაც განპირობებულია სასჯელაღსრულების დაწესებულებაში ყოფნით. რაც არ უნდა გასაკვირი იყოს ეს მდგომარეობა კიდევ უფრო დამძიმდა როდესაც მათ საპატიმროები დატოვეს. 

- რას გულისხმობთ?

საზოგადოების მხრიდან მათ გაუცხოვება და უნდობლობა იგრძნეს და მტკივნეულად განიცადეს. ერთ-ერთმა მოყვა, რომ უბანში ქათმები დაიკარგა, ყველანაირი მტკიცებულების გარეშე დაზარალებულმა მას დააბრალა ქურდობა. მსგავსი ფაქტები ყოველდღიურობაში ბევრი ხდება რამაც მათი ფსიქოლოგიური მდგომარეობა კიდევ უფრო დაამძიმა.

დღეს დაიწყო ევროკავშირის მიერ დაფინასებული პროექტის „ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“, ფარგლებში დადგეგმილი ბიზნეს ტრენინგები ყოფილი პატიმრებისთვის.
ოთხდღიან ტრენინგს თბილისიდან მოწვეული GPG ტრენინგის კურსის კოორდინატორი, როინ ხინთიბიძე და ბიზნეს ტრენერი, ქეთევან ხმალაძე უძღვებიან.

,,საკმაოდ საინტერესო აუდიტორია დამხვდა, არ მოველოდი, აქტიურები არიან. ისეთ კითხვებზე გამცეს პასუხები რაც ჩემმა სტუდენტებმაც კი არ იციან“, - ამბობს ტრენერი, როინ ხინთიბიძე.

21-24 მარტს პროექტის „ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“, ფარგლებში ახალციხეში, პროფესიულ კოლეჯ „ოპიზარში“ ყოფილი პატიმრებისთვის ბიზნეს ტრენინგები ჩატარდება.ოთხდღიან ტრენინგს თბილისიდან მოწვეული GPG ტრენინგის კურსის კოორდინატორი, როინ ხინთიბიძე და ბიზნეს ტრენერი, ქეთევან ხმალაძე გაუძღვებიან. ახალქალაქიდან, ნინოწმინდიდან, ადიგენიდან, ბორჯომიდან, ასპინძიდან და ახალციხიდან 24 ყოფილი პატიმარი ტრენინგების გავლის შემდეგ სპეციალურ სერთიფიკატებს მიიღებს.

რეპატრირებულ მესხს გიორგი მანზულოვს მოსწავლის სტატუსი კი აღუდგა, მაგრამ გასულის წლის მსგავსად ის წელსაც მეშვიდე კლასის მოსწავლეა. .
თავდაპირველად პრობლემის გასარკვევად და შვილის დასახმარებლად ასოციაცია ,,ტოლერანტს“ გიორგი მანზულოვის მამამ მომართა.

,,გიორგი კლასში ჩატოვეს, მერვეში არ გადაიყვანეს, ისევ მეშვიდე კლასშია. რა ვქნა? დამეხმარეთ“, - გვითხრა რეიზ მანზულოვმა.

გიორგი მანზულოვი ახალციხის მუნიციპალიტეტის სოფელ კლდის საჯარო სკოლის მოსწავლეა. მას და მის მსგავსად მოქალაქეობის არმქონე მოსწავლეებს მოსწავლის სტატუსი საქართველოს განათლებისა და მეცნიერების მინისტრის დიმიტრი შაშკინის 2012 წლის 6 იანვრის ბრძანების საფუძველზე შეუჩერდათ.

f t g