მთავარი
- დეტალები
- ავტორი: Super User
- კატეგორია: მთავარი
- გადასვლები: 826
,,რას ფიქრობს საქართველო უნდა წაგვიყვანოს ჩვენ თუ არა, - კითხვა, რომელიც აზერბაიჯანში, საათლის რაიონის სოფელ ნასიმიკენდში მცხოვრებ დეპორტირებულმა მესხმა, მურად შახბაზ ოღლიმ (ყაყუნაშვილი) დასვა საქართველოშიც აქტუალურია.
17 ნოემბერს თბილისში, მშვიდობის, დემოკრატიის და განვითარების კავკასიური განვითარების ინსტიტუტში (CIPDD) ასოციაცია ,,ტოლერანტის’’ ორგანიზებით შეხვედრა ჩატარდა თემაზე – რეპატრირებულთა უფლებები და მათი სამართლებრივი მდგომარეობა საქართველოში.
- დეტალები
- ავტორი: Super User
- კატეგორია: მთავარი
- გადასვლები: 1037
პრობაციონერების რესოციალიზაციის პროექტის შემდეგ უკვე ახალი პროექტი ყოფილ პატიმრებზე. ასოციაცია ,,ტოლერანტი“ ამჯერად ,,ყოფილი პატიმრების ინტეგრაციის და რეაბილიტაციის ხელშეწყობა სამცხე – ჯავახეთის რეგიონში” პროექტს ახორცილებს.
,,მართალია საქართველოში სასჯელაღსრულების დაწესებულებებში მყოფი და ყოფილი პატიმრების რეაბილიტაციის მნიშვნელოვანი პროექტებია განხორციელებული, მაგრამ ისინი სამცხე-ჯავახეთის რეგიონს ვერ ფარავს და ამდენად სამცხე-ჯავახეთის რეგიონში მსგავსი პროექტის განხორციელება პირველია და შეიძლება ითქვას პოლოტური. ამის გათვალისწინებით საქმიანობებიც მრავალმხრივია და ხელს შეუწყობს რეგიონში ყოფილი პატიმრების საზოგადოებაში სოციალურ ინტეგრაცია რეაბილიტაციას, მათი უფლებების დაცვას“, - ამბობს ასოციაცია ,,ტოლერანტის“ხელმძღვანელი, ცირა მესხიშვილი.
პროექტი ხორციელდება სამცხე ჯავახეთში არსებული ორგანზიაცია “ფაროსისა” და ასოცირებული პარტნიორის საქართველოს სასჯელაღსრულების, პრობაციის და იურიდიული დახმარების საკითხთა სამინისტროს დეპარტამენტის მონაწილეობით.
პროექტს ევროკავშირი აფინასებს და ხანგძლივობა 18 თვეა.
- დეტალები
- ავტორი: Super User
- კატეგორია: მთავარი
- გადასვლები: 789
პროექტის „პირობითი მსჯავრდებული (პრობაციონერების) რესოციალიზაციის ხელშეწყობა სამცხე-ჯავახეთის რეგიონში “ ფარგლებში 7 -8 დეკემბერს მონაწილე მხარეებისთვის სამუშაო შეხედრა მოეწყო.
სამუშაო შეხვედრას ევროკავშირის, ახალგაზრდა იურისტთა ასოციაციის, ა/ო კონსტიტუციის 42 -მუხლის, პრობაციის ეროვნული სააგენტოს, სამცხე-ჯავახეთის საოლქო პროკურატურის, სამოქალაქო განვითარების სააგენტო (CIDA , ახალციხის ახალგაზრდული ცენტრის, გურიის ახალგაზრდული რესურსცენტრის, პროფესიული კოლეჯის ,,ოპიზარის“, დემოკრატ მესხთა კავშირის, რეაბილიტაციის ცენტრის (GCRT ) და მედიის წარმომადგენლები ესწრებოდნენ. .
სამუშაო შეხვედრა მონაწილე მხარეებისთვის ორდღიანი იყო. პირველ დღეს შეხვედრის მონაწილეთა წარდგენა-გაცნობის შემდეგ პროექტის პრეზენტაცია იურისტმა დავით თელიაშვილმა გააკეთა.
- დეტალები
- ავტორი: Super User
- კატეგორია: მთავარი
- გადასვლები: 786
დოკუმენტური ფილმის ,,სამშობლო, რომელიც შორია“ პრეზენტაცია ახალციხეშიც შედგა.
,,მესხების თემა საქართველოში აქტუალურია, თუმცა არა პოპულარული“ , - ნათქვამია ფილმში.
სწორედ ეს ფრაზა გასდევს ლეიტმოტივად მთლიან ფილმს, სადაც მონაწილეები თავანთ პრობლემებზე ღიად საუბრობენ და მათ მოგვარებას ითხოვენ.
ისტორიულ წარსულთან ერთად ფილმში ასახულია რეპატრირებული და დეპორტირებული მესხების ყოფაც.
ფილმის ჩვენება ახალციხის დემოკრატიული ჩართულობის ცენტრში შედგა და პრეზენტაციას ადგილობრივი ხელისუფლების, რეპატრირებული მესხებისა და სამოქალაქო და არასამთავრობო სექტორის წარმომადგენლები ესწრებოდნენ.
ფილმის გადაღება მიმდინარე პროექტის ,,რეპატრირებულთა ჰუმანიტარული დახმარება თვითრეპატრიაციისს” პრევენცია ფარგლებში მოხდა.
- დეტალები
- ავტორი: Super User
- კატეგორია: მთავარი
- გადასვლები: 810
ტკივილით სავსე ისტორიები, მატარებლის გუგუნს გაყოლილი სევდა სამშობლოზე და წინაპრების აღთქმული საოცნებო მიწა.
ფილმი სახელწოდებით - ,,სამშობლო, რომელიც შორია“ მაყურებელმა უკვე იხილა. დოკუმენტური ფილმის პრემიერა 17 ნოემბერს, თბილისში კინოსახლში შედგა.
მოკლემეტრაჟიან დოკუმენტურ ფილმში ასახულია დეპორტაციის ისტორია, რეაპტრიანტთა და ,,თვითრეპატრირებულთა“ ყოფა - მდგომარეობა.
იყო სავსე დარბაზი და მძაფრი ემოციები. იყო აპლიდისმენტები და სამადლობელო სიტყვები.
,,ფილმში კარგადაა გაშლილი და გადმოცემული ჩვენი პრობლემა. ძალიან ავღელდი“, - თქვა რეპატრირებულმა მესხმა როზა გოჩაძემ.
- დეტალები
- ავტორი: Super User
- კატეგორია: მთავარი
- გადასვლები: 673
17 ნოემბერს თბილისში, მშვიდობის, დემოკრატიისა და განვითარების ინსტიტუტის საკონფერენციო დარბაზში ,,ტოლერანტის” ინიციატივით სამცხე-ჯავახეთიდან დეპორტირებული მოსახლეობის დეპორტაციის მორიგი, უკვე 68 წლისთავის აღსანიშნავი შეხვედრა გაიმართა. შეხვედრაზე მოწვეული იყვნენ ლტოლვილთა და განსახლების, განათლების, შინაგან საქმეთა სამინისტროების, აგრეთვე, სხვა რესპუბლიკური ორგანიზაციების წარმომადგენლები. .
საუბარი მწვავე გამოვიდა. ,,ტოლერანტის” ხელმძღვანელმა ცირა მესხიშვილმა ემოციურად ისაუბრა მაჰმადიან მესხთა 25 ოჯახზე, რომლებიც რამდენიმე წლის განმავლობაში ამაოდ ცდილობენ თავიანთი ყოფითი პრობლემების: უძრავი ქონების გადაფორმების, მოქალაქეობის მიღების, ჯანმრთელობის დაცვის, განათლების მიღების და სხვათა გადაწყვეტას.
- დეტალები
- ავტორი: Super User
- კატეგორია: მთავარი
- გადასვლები: 789
16 ნოემბერს „დემოკრატიული ჩართულობის ცენტრში“ ტოლერანტობის საერთაშორისო დღესთან დაკავშირებით გამოფენა ტოლერატობა ეს არის სიყვარული“ გაიმართა. გამოფენაში მონაწილეობას 10-16 წლამდე სხვადასხვა საჯარო სკოლების მოსწავლეები იღებდნენ.
გამოფენის ინიციატორი „დემოკრატიული ჩართულობის ცენტრი“ იყო. ბავშვებმა საკუთარი ნამუშევრები დამსწრე საზოგადოებას უჩვენეს რომლის შემდეგაც სპეციალურმა ჟიურიმ სამი საუკეთესო ნამუშევარი გამოავლინა. გამარჯვებულ ავტორებს ასოციაცია „ტოლერანტისგან“ სამახსოვრო საჩუქრები გადაეცათ.
გამოფენის ნახვა ნებისმიერ მსურველს ერთი კვირის მანძილზე შეუძლია. გამარჯვებული ნამუშევრები კი საქართველოს მაშტაბით ყველა „დემოკრატიული ჩართულობის ცენტრში“ იქნება გამოფენილი.
- დეტალები
- ავტორი: Super User
- კატეგორია: მთავარი
- გადასვლები: 1069
16 ნოემბერი ტოლერანტობის საერთაშორისო დღეა. ამ დღესთან დაკავშირებით ახალციხის მუნიციპალიტეტში არაერთი ღონისძიება გაიმართა, თუმცა ამ მხრივ თამად შეიძლება ითქვას გამორჩეული იყო ფლეშმობი, რომელიც ასოციაცია ,,ტოლერანტის“ ორგანიზებით მოეწყო.
რაც უფრო მეტი მონაწილეა, მით უფრო სანახაობრივია წარმოდგენა, ამიტომაც ფლეშმობი ქალაქის ცენტრში დაიდგა და რადგან ფლეშმობი ახალციხეში პირველად მოეწყო მის საყურებლად ისედაც უამრავმა ადამიანმა მოიყარა თავი. .
როგორც ფლეშმობის მონაწილეები გვეუბნებიან ფლეშმობი ადამიანების ჯგუფია, რომლებიც ახორციელებენ უჩვეულო ქმედებებს საზოგადოების თავშეყრის ადგილებზე, ამიტომაც მათ გადაწყვიტეს ყველაფერი ჩხუბის ინსცენირებით დაეწყოთ. თავდაპირველად ხმამაღალმა ყვირილმა მიიქცია ქუჩაში მოსიარულეების ყურადღება, შემდეგ ორი ბიჭი წაკინკლავდა და წრეც შეიკრა, რასაც მუსიკა და ცეკვა მოჰყვა.
- დეტალები
- ავტორი: Super User
- კატეგორია: მთავარი
- გადასვლები: 938
17 ნოემბერს, 12.00 საათზე, თბილისში, მშვიდობის, დემოკრატიის და განვითარების კავკასიური განვითარების ინსტიტუტში (CIPDD) ჩატარდება დისკუსია თემაზე – "რეპატრირებულთა უფლებები და მათი სამართლებრივი მდგომარეობა საქართველოში”. .
სადისკუსიო თემები:
*საქართველში მცხოვრები “თვითრეპატრირებული” მესხების მოქალაქეობისა და ბინადრობის უფლების საკითხი;
*პრობლემები განათლების სისტემაში;
*უძრავი ქონებისა შეძენასთან და რეგისტრაციასთან დაკავშირებული სიძნელეები;
*გვარის დაბრუნებისა და აღდგენის გართულებული პროცედურები და ა.შ.
შეხვედრა ხორციელდება მიმდინარე პროექტის ,,რეპატრირებულთა ჰუმანიტარული დახმარება ,,თვითრეპატრიაციის” პრევენცია" ფარგლებში.
პროექტი დაფინასებულია ევროკავშირის მიერ და ახორციელებს ასოციაცია ,,ტოლერანტი”. პარტნიორი ორგანიზაციები - ,,მშვიდობის, დემოკრატიის და განვითარების კავკასიური განვითარების ინსტიტუტი (CIPDD)” და აზერბაიჯანის ორგანიზაცია - ,,ჰუმანიტარული კვლევის საზოგადოება”.
- დეტალები
- ავტორი: Super User
- კატეგორია: მთავარი
- გადასვლები: 913
პროექტის ,პირობითი მსჯავრდებული (პრობაციონერი) ახალგაზრდების უფლებების დაცვა, მათი საზოგადოებაში რესოციალიზაციის ხელშეწყობა სამცხე-ჯავახეთის რეგიონში", ფარგლებში ასოციაცია „ტოლერანტმა“ საზოგადოებას პროექტის მიმდინარეობის შესახებ ანგარიში წარუდგინა. .
პროექტმა სტარტი 2011წლის იანვარში აიღო. თერთმეტ თვიანი მუშაობის შემაჯამებელი შეხვედრა დემოკრატიული ჩართულობის ცენრში გაიმართა და მას ადგილობრივი გამგეობის წარმომადგენლები, პროექტის ასისტენტები; ახალციხიდან, ახალქალაქიდან, ადიგენიდან ასპინძიდან, ბორჯომიდან, არასამთავრობო ორგანზაციებისა და პროფესიული კოლეჯ „ოპიზარის“ წარმომადგენლები, საჯარო სკოლების უფროსკლასელები, სასწავლო უნივერსიტეტის სტუდენტები, იურისტები და ფსიქოლოგი ესწრებოდა.
