23 სექტემბერს სამცხე-ჯავახეთის რეგიონულ ასოციაცია ,,ტოლერანტს“ ევროპის საბჭოს საქართველოს ოფისისის ხელმძღვანელის მოდგილე ტანია ფან დეიკი და შვედეთის საელჩოს წარმომადგენლობა ეწვია.

შეხვედრის ძირითადი მიზანი იყო - ეთნიკური უმცირესობების მდგომარეობა სამცხე-ჯავახეთში. რა პრობლემები აწუხებთ ეთნიკურ უმცირესობებს და არის თუ არა პროგრესი მათი ინტეგრაციის კუთხით.
ევროპის საბჭოს საქართველოს ოფისისის ხელმძღვანელის მოდგილე ტანია ფან დეიკი და შვედეთის საელჩოს წარმომადგენლები რეგიონში ასევე ადგილობრივ ხელისუფლებას, არასამთვრობო სექტორსაც შეხვდა.

ასოციაცია ,,ტოლერანტმა რეპატრირებულ მესხ ბავშვებს სიურპრიზი მოუწყო.
10 სექტემბერს მესხეთი სახელმწიფო თეატრში ჯგუფმა ,,რომანტიკამ“ მაყურებელს შოუ გასართობი პროგრამა ,,სატირონი“ წარუდგინა.
შოუ -პროგრამაზე შესული თანხა შეზღუდული შესაძლებლობის მქონე პირთათვის ეტლების შეძენას მოხმარდება.
ასოციაცია ,,ტოლერანტმა“ შოუ - პროგრამაზე დასასწრებად სამცხე-ჯავახეთის რეგიონში მცხოვრები რეპატრირებული მესხი ბავშვებისთვის 30 ბილეთი შეიძინა.

1944 წლის 14–15 ნოემბერს სამხრეთ საქართველოდან სატვირთო ვაგონებით 80 ათასამდე მუსლიმანი მოსახლეობა იქნა გასახლებული. მათგან დაახლოებით 17 ათასი გზაში დაიღუპა. 1956 წლის აპრილს გადასახლებულებს მოეხსნათ სპეცგადასახლებულის სტატუსი საქართველოში დაბრუნების უფლების გარეშე. ( MRA.GOV.GE) მუსლიმანი მესხების რეპატრიაციასთან დაკავშირებით 1999 წელს ევროპის საბჭოს წინაშე ნაკისრი ვალდებულებების შესრულების უზრუნველსაყოფად, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ საბუთების მიღება აწარმოა. კანონით დადგენილი ნორმის მიხედვით, პირი რომელიც მიიჩნევს, რომ ექვემდებარება საქართველოში რეპატრიაციას, ვალდებული იყო შესაბამისი დოკუმენტები წარედგინა ლტოლვილთა და განსახლების სამინისტროს მიგრაციის, რეპატრიაციისა და ლტოლვილთა საკითხების დეპარტამენტში. 

ასოციაცია ,,ტოლერანტი“ მიმდინარე პროექტის ,,რეპატრირებულთა ჰუმანიტარული დახმარება ,,თვითრეპატრიაციის’ პრევენცია“ ფარგლებში ახალციხის, ადიგენის, სამტრედია, ოზურგეთის მუნიციპალიტეტების სკოლის მოსწავლე რეპატრირებულ მესხ ბავშვებს სასწავლო სახელმძღვანელოებსსაჩუქრად გადასცემს.

ევროკავშირის მიერ დაფინანსებული პროექტის ფარგლებში -,,საქართველოში რეპატრირებულთა ჰუმანიტარული დახმარება, "თვითრეპატრიაციის" პრევენცია", რომელსაც სამცხე-ჯავახეთის რეგიონული ასოციაცია "ტოლერანტი" ახორციელებს, 18-დან 20 თებერვლამდე ბაკურიანში სამუშაო შეხვედრა მიმდინარეობდა.

ასოციაცია "ტოლერანტის" ხელმძღვანელის ცირა მესხიშვილის განმარტებით, პროექტი ხორციელდება "მშვიდობის, დემოკრატიისა და განვითარების კავკასიური ინსტიტუტისა" და აზერბაიჯანული ორგანიზაცია "ჰუმანიტარული კვლევის საზოგადოების" პარტნიორობით.

3 სექტემბერს სამტრედიის მუნიციპალიტეტის სოფელ იანეთის საინფორმაციო და სოციალური ინტეგრაციის ოფისში სამუშაო შეხვედრა შედგა.
მიმდინარე პროექტის ,,რეპატრირებულთა ჰუმანიტარული დახმარება ,,თვითრეპატრიაციის“ პრევენცია“ ფარგლებში განხორციელებულ შეხვედრას პროექტის განმხორციელებელი ორგანიზაცია - სამცხე-ჯავახეთის რეგიონული ასოციაცია ,,ტოლერანტი“ და ამ პროექტის ფარგლებში გახსნილი - სამტრედიის მუნიციპალიტეტის სოფელ იანეთის საინფორმაციო და სოციალური ინტეგრაციის, ოზურგეთის მუნიციპალიტეტის სოფელ ნასაკირალის ქართული ენისა და კულტურისა და პარტნიორი ორგანიზაციის ,,მშვიდობის, დემოკრატიისა და განვითარების კავკასიური ინსტიტუტში" ამავე პროექტის ფარგლებში გახსნილი საინფორმაციო კვლევითი ცენტრების წარმოადგენლები ესწრებოდნენ.

ქალაქ ახალციხეში რეპატრიანტი მესხების სამი ოჯახი ცხოვრობს.
22 თებერვალს სამცხე-ჯავახეთის რეგიონული ასოციაცია ,,ტოლერანტის” წარმომადგენლები ერთ-ერთი რეპატრირებული მესხის თამალ ხუციშვილის ოჯახს ეწვივნენ.
,,ტოლერანტის” წარმომადგენლებმა ხუციშვილების ოჯახს ,,ტოლერანტის” ახალი პროექტი ,,რეპატრირებულთა ჰუმანიტარული დახმარება ,,თვითრეპატრიაციის” პრევენცია” გააცნეს.

30 აგვისტოს მთელი მუსლიმანური სამყარო რამაზანის დღესასწაულს აღნიშნავს.
რამადანი(რამაზანი) - ისლამური კალენდრის მეცხრე თვის სახელწოდება. ამ თვეში განთიადიდან მზის ჩასვლამდე ყველა მუსლიმანი მარხულობს. ამ დროს ისინი ყველანაირ საჭმელზე, სასმელზე უარს ამბობენ.
მარხვა გულისხმობს: მოთმინებას, თავმდაბლობას და სულიერ სიმშვიდეს. ეს დრო არის მიძღვნილი ღვთის საამებლად. ამ დროს ჩვეულებრივზე მეტად იკითხება ლოცვები. მარხვის დროს აუცილებელია მუსლიმანმა ითხოვოს მოწყალება(მონანიოს) ღვთისგან, ილოცოს სწორი გზის საპოვნელად და ყოველგვარი საცდურისაგან თავის ასაცილებლად.

ასოციაცია ,,ტოლერანტი" ულოცავს ყველა მუსლიმან რეპატრირებულს რამაზანის დღესასწაულს.

სამცხე-ჯავახეთის რეგიონული ასოციაცია ,,ტოლერანტი’’ ახალი პროექტის, ,,რეპატრირებულთა ჰუმანიტარული დახმარება ,,თვითრეპატრიაციის” პრევენცია ფარგლებში მომუშავე ჯგუფს, 16 თებერვალს, გასვლითი შეხვედრა ჰქონდა ახალციხის მუნიციპალიტეტის სოფელ კლდეში და ახალციხის საბარგო სადგურზე.
პროექტის ფარგლებში ექიმი, იურისტი, და ახალი პროექტის კოორდინატორი შეხვდნენ რეპატრიანტ მესხებს, გააცნეს ახალი პროექტი და მოისმინეს მათი პრობლემები.

10 თებერვალს სამცხე-ჯავახეთის რეგიონული ასოციაცია ,,ტოლერანტი’’-ს წარმომადგენლებს, ,,საქართველოში არალეგალურ მდგომარეობაში მყოფ დეპორტირებულ მესხთა ჰუმანიტარული დახმარება და მათი უკანონო გადაადგილების პრევენციის ხლშეწყობა”, ფარგლებში გასვლითი შეხვედრა ჰქონდათ. შეხვედრა ადიგენის მუნიციპალიტეტში სოფელ აბასთუმანში შედგა.
შეხვედრა სოფლის საჯარო სკოლაში მოეწყო, სადაც ზემოთაღნიშნული პროექტის ფარგლებში ქართული ენის კაბინეტია გახსნილი.
,,საქართველოში არალეგალურ მდგომარეობაში მყოფ დეპორტირებულ მესხთა ჰუმანიტარული დახმარება და მათი უკანონო გადაადგილების პრევენციის ხლშეწყობა”, ფარგლებში ჩამოყალიბდა ,,იურიდიული დახმარების საზოგადოებრივი ბიურო”.