ასოციაცია „ტოლერანტში“ პროექტის „რეპატრირებულთა ჰუმანიტარული დახმარება თვითრეპატრიაციის პრევენცია“ ფარგლებში, რეპატრირებულ მესხებთან კიდევ ერთი შეხვედრა გაიმართა. ამჯერად შეხვედრის ინიციატორი პროექტის იურისტი ნელი ღონღაძე იყო.
. „მოქალაქეობის მიღების გამარტივებულ და ჩვეულებრივ წესებზე ვისაუბრეთ. საქართველოს ორგანული კანონით საქართველოს მოქალაქეობის შესახებ 26-ე მუხლის მიხედვით მათ ჯერ უნდა დატოვონ სხვა ქვეყნის მოქალაქეობა და ამის შემდეგ შეუძლიათ გახდნენ საქართველოს მოქალაქეები“,- ამბობს ასოციაცია ტოლერანტის იურისტი.

იანვრის ყინვიანი დღე. სოფელ აბასთუმანში რეპატრირებული მესხი ყურაძეების ოჯახს ვსტუმრობ. ოჯახში სალიმ ყურაძე ცხოვრობს, თავის ქალიშვილ გულოსთან და ორ შვილიშვილთან ვენერა და ფრიდონთან ერთად. .
ჩემი სტუმრობა ოჯახის უმცროსი წევრის დაბადების დღეს დაემთხვა, ფრიდონი 12 წლის გახდა. სუფრა გაშლილია და ჩემი სასაუბრო თემაც სწორედ, რომ სამზარეულოა.

მისაღებ ოთახში დიდი თუჯის ღუმელი ანთია. ღუმელზე სამი ვერცხლისფერი, პრიალა ქვაბით დგას. სამივე ქვაბი თუხთუხებს. ქვაბების ქშენა-თუხთუხთან ერთად ოთახში სუნელების სურნელი ტრიალებს.

ასოციაცია „ტოლერანტში“ პროექტის „ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“ ,ფარგლებში მოხალისეებთან შეხვედრა გაიმართა. შეხვედრის მიზანი პროექტის გაცნობა და მოხალისეების ჯგუფებად დაყოფა იყო. ორ ჯგუფად გადანაწილებული მოხალისეები პროექტის ფარგლებში დაგეგმილ სხვადასხვა აქტივობებში მიიღებენ მონაწილეობას.

მოხალისეთა ჯგუფებში საჯარო სკოლების უფროს კლასელები და სტუდენტები არიან გაერთიანებულები. მათ თავის გამოცდილებას მშვიდობის კორპუსის მოხალისე ქელი გალაგერი გაუზიარებს.

,,ასოციაცია „ტოლერანტის“ ბაზაზე არსებული მოხალისეთა ჯგუფი უკვე ჩართულია სხვა მიმდინარე პროექტში. ამჯერად ეს შეხვედრა იყო გაცნობითი ხასიათის. მოხალისეებს მეორე მიმდინარე პროექტის შინაარსზე ვესაუბრეთ და ორ ჯგუფად დავყავით“,- განმარტა პროექტის სოციალურმა მუშაკმა მაკა ივანიძემ.

,,რას ფიქრობს საქართველო უნდა წაგვიყვანოს ჩვენ თუ არა, - კითხვა, რომელიც აზერბაიჯანში, საათლის რაიონის სოფელ ნასიმიკენდში მცხოვრებ დეპორტირებულმა მესხმა, მურად შახბაზ ოღლიმ (ყაყუნაშვილი) დასვა საქართველოშიც აქტუალურია.

17 ნოემბერს თბილისში, მშვიდობის, დემოკრატიის და განვითარების კავკასიური განვითარების ინსტიტუტში (CIPDD) ასოციაცია ,,ტოლერანტის’’ ორგანიზებით შეხვედრა ჩატარდა თემაზე – რეპატრირებულთა უფლებები და მათი სამართლებრივი მდგომარეობა საქართველოში.

პრობაციონერების რესოციალიზაციის პროექტის შემდეგ უკვე ახალი პროექტი ყოფილ პატიმრებზე. ასოციაცია ,,ტოლერანტი“ ამჯერად ,,ყოფილი პატიმრების ინტეგრაციის და რეაბილიტაციის ხელშეწყობა სამცხე – ჯავახეთის რეგიონში” პროექტს ახორცილებს.
,,მართალია საქართველოში სასჯელაღსრულების დაწესებულებებში მყოფი და ყოფილი პატიმრების რეაბილიტაციის მნიშვნელოვანი პროექტებია განხორციელებული, მაგრამ ისინი სამცხე-ჯავახეთის რეგიონს ვერ ფარავს და ამდენად სამცხე-ჯავახეთის რეგიონში მსგავსი პროექტის განხორციელება პირველია და შეიძლება ითქვას პოლოტური. ამის გათვალისწინებით საქმიანობებიც მრავალმხრივია და ხელს შეუწყობს რეგიონში ყოფილი პატიმრების საზოგადოებაში სოციალურ ინტეგრაცია რეაბილიტაციას, მათი უფლებების დაცვას“, - ამბობს ასოციაცია ,,ტოლერანტის“ხელმძღვანელი, ცირა მესხიშვილი.

პროექტი ხორციელდება სამცხე ჯავახეთში არსებული ორგანზიაცია “ფაროსისა” და ასოცირებული პარტნიორის საქართველოს სასჯელაღსრულების, პრობაციის და იურიდიული დახმარების საკითხთა სამინისტროს დეპარტამენტის მონაწილეობით.
პროექტს ევროკავშირი აფინასებს და ხანგძლივობა 18 თვეა.

პროექტის „პირობითი მსჯავრდებული (პრობაციონერების) რესოციალიზაციის ხელშეწყობა სამცხე-ჯავახეთის რეგიონში “ ფარგლებში 7 -8 დეკემბერს მონაწილე მხარეებისთვის სამუშაო შეხედრა მოეწყო.

სამუშაო შეხვედრას ევროკავშირის, ახალგაზრდა იურისტთა ასოციაციის, ა/ო კონსტიტუციის 42 -მუხლის, პრობაციის ეროვნული სააგენტოს, სამცხე-ჯავახეთის საოლქო პროკურატურის, სამოქალაქო განვითარების სააგენტო (CIDA , ახალციხის ახალგაზრდული ცენტრის, გურიის ახალგაზრდული რესურსცენტრის, პროფესიული კოლეჯის ,,ოპიზარის“, დემოკრატ მესხთა კავშირის, რეაბილიტაციის ცენტრის (GCRT ) და მედიის წარმომადგენლები ესწრებოდნენ. .
სამუშაო შეხვედრა მონაწილე მხარეებისთვის ორდღიანი იყო. პირველ დღეს შეხვედრის მონაწილეთა წარდგენა-გაცნობის შემდეგ პროექტის პრეზენტაცია იურისტმა დავით თელიაშვილმა გააკეთა.

დოკუმენტური ფილმის ,,სამშობლო, რომელიც შორია“ პრეზენტაცია ახალციხეშიც შედგა.
,,მესხების თემა საქართველოში აქტუალურია, თუმცა არა პოპულარული“ , - ნათქვამია ფილმში.
სწორედ ეს ფრაზა გასდევს ლეიტმოტივად მთლიან ფილმს, სადაც მონაწილეები თავანთ პრობლემებზე ღიად საუბრობენ და მათ მოგვარებას ითხოვენ.
ისტორიულ წარსულთან ერთად ფილმში ასახულია რეპატრირებული და დეპორტირებული მესხების ყოფაც.
ფილმის ჩვენება ახალციხის დემოკრატიული ჩართულობის ცენტრში შედგა და პრეზენტაციას ადგილობრივი ხელისუფლების, რეპატრირებული მესხებისა და სამოქალაქო და არასამთავრობო სექტორის წარმომადგენლები ესწრებოდნენ.
ფილმის გადაღება მიმდინარე პროექტის ,,რეპატრირებულთა ჰუმანიტარული დახმარება თვითრეპატრიაციისს” პრევენცია ფარგლებში მოხდა.

ტკივილით სავსე ისტორიები, მატარებლის გუგუნს გაყოლილი სევდა სამშობლოზე და წინაპრების აღთქმული საოცნებო მიწა.
ფილმი სახელწოდებით - ,,სამშობლო, რომელიც შორია“ მაყურებელმა უკვე იხილა. დოკუმენტური ფილმის პრემიერა 17 ნოემბერს, თბილისში კინოსახლში შედგა.
მოკლემეტრაჟიან დოკუმენტურ ფილმში ასახულია დეპორტაციის ისტორია, რეაპტრიანტთა და ,,თვითრეპატრირებულთა“ ყოფა - მდგომარეობა.

იყო სავსე დარბაზი და მძაფრი ემოციები. იყო აპლიდისმენტები და სამადლობელო სიტყვები.
,,ფილმში კარგადაა გაშლილი და გადმოცემული ჩვენი პრობლემა. ძალიან ავღელდი“, - თქვა რეპატრირებულმა მესხმა როზა გოჩაძემ.

17 ნოემბერს თბილისში, მშვიდობის, დემოკრატიისა და განვითარების ინსტიტუტის საკონფერენციო დარბაზში ,,ტოლერანტის” ინიციატივით სამცხე-ჯავახეთიდან დეპორტირებული მოსახლეობის დეპორტაციის მორიგი, უკვე 68 წლისთავის აღსანიშნავი შეხვედრა გაიმართა. შეხვედრაზე მოწვეული იყვნენ ლტოლვილთა და განსახლების, განათლების, შინაგან საქმეთა სამინისტროების, აგრეთვე, სხვა რესპუბლიკური ორგანიზაციების წარმომადგენლები. .

საუბარი მწვავე გამოვიდა. ,,ტოლერანტის” ხელმძღვანელმა ცირა მესხიშვილმა ემოციურად ისაუბრა მაჰმადიან მესხთა 25 ოჯახზე, რომლებიც რამდენიმე წლის განმავლობაში ამაოდ ცდილობენ თავიანთი ყოფითი პრობლემების: უძრავი ქონების გადაფორმების, მოქალაქეობის მიღების, ჯანმრთელობის დაცვის, განათლების მიღების და სხვათა გადაწყვეტას.

16 ნოემბერს „დემოკრატიული ჩართულობის ცენტრში“ ტოლერანტობის საერთაშორისო დღესთან დაკავშირებით გამოფენა ტოლერატობა ეს არის სიყვარული“ გაიმართა. გამოფენაში მონაწილეობას 10-16 წლამდე სხვადასხვა საჯარო სკოლების მოსწავლეები იღებდნენ.
გამოფენის ინიციატორი „დემოკრატიული ჩართულობის ცენტრი“ იყო. ბავშვებმა საკუთარი ნამუშევრები დამსწრე საზოგადოებას უჩვენეს რომლის შემდეგაც სპეციალურმა ჟიურიმ სამი საუკეთესო ნამუშევარი გამოავლინა. გამარჯვებულ ავტორებს ასოციაცია „ტოლერანტისგან“ სამახსოვრო საჩუქრები გადაეცათ.
გამოფენის ნახვა ნებისმიერ მსურველს ერთი კვირის მანძილზე შეუძლია. გამარჯვებული ნამუშევრები კი საქართველოს მაშტაბით ყველა „დემოკრატიული ჩართულობის ცენტრში“ იქნება გამოფენილი.